Наманганда универсал жанг бўйича жаҳон чемпионати ўтказилди

Жумладан, Янги Наманган туманида жойлашган “Паҳлавон” спорт мажмуасида ташкил этилган универсал жанг бўйича жаҳон чемпионатида ўсмирлар ва катталар иштирок этди.

Мазкур мусобақада Қирғиз Республикаси, Қозоғистон, Россия Федерацияси, Тожикистон, Арманистон, Замбия сингари дунёнинг йигирмага яқин давлатидан беш юзга яқин спортчилар ғолиблик учун татамига чиқди. 

Жаҳон чемпионатида Ўзбекистон шарафини ҳимоя қилган наманганлик спортчилар маҳорат ва чаққонлик бобида рақибларидан қолишмаган ҳолда муносиб иштирок этиб, салмоқли муваффақиятларни қўлга киритди.  

Хусусан, Наманган шаҳри спорт мактаби тарбияланувчилари Ҳожиакбар Исроилов, Азизбек Болтабоев, Янгиқўрғон тумани спорт мактаби вакили Лола Абдусатторова барча рақибларини енгиб, жаҳон чемпиони унвонига сазовор бўлди.  

Жаҳон чемпионатининг барча ғолиб ва совриндорлари Республика спорт вазирлиги ҳамда Наманган вилояти ҳокимлиги томонидан муносиб тақдирланди.