Наоя Иноуэнинг собиқ рақиби Тошкентдаги профессионал бокс оқшомида рингга чиқади

Аҳамиятлиси, мазкур оқшом доирасида иккинчи энг енгил вазнда дунёнинг 11-рақамли боксчиси, британиялик Пол Батлер ҳам рингга кўтарилади. Британиянинг ушбу вазндаги биринчи рақамли боксчисига Тошкентда ким рақиблик қилиши ҳозирча маълум эмас.

Пол сўнгги бор ўтган йилнинг декабрь ойида япониялик Наоя Иноуэга қарши мутлақ жаҳон чемпионлиги учун рингга чиқиб, мағлуб бўлган эди.

Шуниндек, 16 июнь куни Тошкентда кубалик Ян Маркос (9-0) ҳам жанг ўтказади, лекин унинг рақиби номи ҳам ҳозирча маълум эмас.

Бундан ташқари, Lift Promotions турнирида ирландиялик Стивен Кайрнс (5:0) чехиялик Майкл Дуфек (35-27-2) билан тўқнаш келади. Яна бир британиялик боксчи Жое МакГрейл (7-0) эса никарагуалик Жоэль Санчес (5-36-1)га қарши жанг қилади.

Эслатиб ўтамиз, мазкур оқшом доирасида ўзбекистонлик Мужибилло Турсунов (2-0) қозоғистонлик Дилшат Нуримга (5-0) қарши рингга кўтарилади.