Непомняшийдан Карлсенгача: Абдусатторов чемпионлик йўлида кимларни мағлуб қилди?

Бугун эрта тонгдан унинг сурати бош саҳифаларни безаб турибди. Нодирбек чемпионлик йўлида 13 турда 7 та ғалаба, 5 та дуранг ва 1 та мағлубият билан 9.5 очко жамғарди. Умумий ҳисоб россиялик Ян Непомняший ҳамда Абдусатторовнинг бир хил кўрсаткичлари билан якунлангач ғолиб жамоани аниқлаш учун тай-брейкка мурожаат қилинди. Унда ҳамюртимиз ажойиб комбинация билан рақибини мот қилишга муваффақ бўлди. Келинг, Абдусаттровнинг жаҳон чемпионатида кимларга қарши қандай натижа қайд этганини эслаб ўтамиз:

1-тур: Нодирбек Абдусатторов – Виктор Михалевски (Исроил, 2366) 1:0

2-тур: Нодирбек Абдусатторов – Глеб Дудин (Россия, 2247) 1:0

3-тур: Нодирбек Абдусатторов – Фабиано Карауна (АҚШ, 2770) 1:0

4-тур: Нодирбек Абдусатторов – Ян Непомняший (Россия, 2798) 0.5:0.5

5-тур: Нодирбек Абдусатторов – Александр Гришук (Россия, 2763) 0.5:0.5

6-тур: Нодирбек Абдусатторов – Антон Коробов (Украина, 2689) 0:1

7-тур: Нодирбек Абдусатторов – Левон Аронян (АҚШ, 2728) 1:0

8-тур: Нодирбек Абдусатторов – Радослав Войташек (Польша, 2743) 1:0

9-тур: Нодирбек Абдусатторов – Борис Гельфанд (Исроил, 2648) 1:0

10-тур: Нодирбек Абдусатторов – Магнус Карлсен (Норвегия, 2842) 1:0

11-тур: Нодирбек Абдусатторов – Владимир Федосеев (Россия, 2692) 0.5:0.5

12-тур: Нодирбек Абдусатторов – Гукеш (Ҳиндистон, 2050) 0.5:0.5

13-тур: Нодирбек Абдусатторов – Ян-Кшиштоф Дуда (Польша, 2801) 0.5:0.5

Тай-брейк: Нодирбек Абдусатторов – Ян Непомняший (Россия, 2798) 1.5:0.5

Эслатиб ўтамиз, ушбу мусобақа доирасида Жаҳонгир Воҳидов (2566), Шамсиддин Воҳидов (2546), Жавоҳир Синдаров (2353) каби шахматчиларимиз ҳам иштирок этишди. Якунда Жаҳонгир Воҳидов 7 очко билан қўшимча кўрсаткичларга кўра рапид мусобақасини 71, Жавоҳир Синдаров 6,5 очко билан 93, Шамсиддин Воҳидов эса 6,5 очко жамғарган ҳолда 150 шахматчи орасида 103-ўрин билан якунлади.