18 дек 17:42
Янгиликлар

Теннис

Нигина иштирок этган турнир бош соврини Испанияга кетди

Франциянинг Лимож шаҳрида ўтказилган теннис бўйича W125 тоифасига кирувчи турнир ўз якунига етди.

Ҳал қилувчи финал учрашувида дунёнинг 82-ракеткаси бўлиб келган испаниялик Кристина Букша WTA рейтингида 235-поғонадан жой олган франциялик Эльза Жакемони уч сет натижасига кўра мағлубиятга учратди - 2/6, 6/1, 6/2.

Теннисчиларнинг ўзаро илк учрашуви 1 соату 50 дақиқа давом этган. Франция турниридаги бир хафталик муваффақиятли иштирок Букшага 160 рейтинг очкоси ҳамда 13,040 евро мукофот пули келтирди.

Эслатиб ўтамиз, Лимож турнирининг 1/8 финалида ҳамюртимиз Нигина Абдураимова дунёнинг 50-ракеткаси, мусобақада иккинчи рақам остида таснифланган россиялик Анна Блинковага 4/6, 0/6 ҳисобида ютқазиб қўйганди.