18 окт 16:05
Янгиликлар

Теннис

Нинбо (WTA). Жасмин Паолини 1/4 финалда 200 дақиқалик учрашув ўтказди

Хитойнинг Нинбо шаҳрида теннис бўйича WTA 500 тоифасига кирувчи нуфузли турнир бўлиб ўтмоқда.

Дунёнинг саккизинчи рақамли теннис маликаси Жасмин Паолини қийинчилик билан мусобақанинг ярим финалига йўл олди. Италиялик теннисчи 1/4 финалда WTA рейтингида 14-ўринни эгаллаб турган швейцариялик Белинда Бенчични 5/7, 7/5, 6/3 ҳисобларида мағлубиятга учратди.

Теннис маликаларининг ўзаро тўртинчи учрашувидан кейин ҳисобдаги мувозанат тикланди - 2:2. Уч соату 18 дақиқа давом этган баҳсда Паолини 4, Бенчич 3 та эйс зарбасини амалга оширди. Қўшхатолар Белинда уч баробар кўпроқ бўлди - 6 га 2. Брейклар бўйича устунлик табиийки, ғолиб теннисчи фойдасига - 7 га 6.