UFC 330 турнири кардига даъвогарлик жанги қўшилди

Аёллар энг енгил вазн тоифасида Эрин Бланчфилд ва Жасмин Ясудавичус ўртасида ўтказиладиган даъвогарлар жанги Лига матбуот хизмати томонидан расман эълон қилинди. 

2024 йилнинг март ойида Эрин Бланчфилд Манон Фиорога қарши даъвогарлик жангида беш раунд якунига кўра очколар бўйича ютқазиб қўйганди. Аммо кейин америкалик ҳакамларнинг якдил қарори билан Роуз Намаюнасни, бўғиш усули билан Трейси Кортезни мағлубиятга учратиб, чемпионлик пойгасига қайтди. 

Канада вакиласи Жасмин Ясудавичус эса ўтган йили Фиорога техник нокаут билан ютқазган, шундан сўнг Карин Сильвани ҳакамлар қарорига кўра таслим этганди. 

Айни пайтда Эрин Бланчифилд ҳамда Жасмин Ясудавичус ташкилотнинг энг енгил аёллар дивизиони рейтингида мос равишда тўртинчи ва олтинчи ўринларни эгаллаб турибди.