07 ноя 12:56
Янгиликлар

Теннис

WTA Finals. Жессика Пегула 1/2 финалга йўл олди

Дунёнинг бешинчи ракеткаси Жессика Пегула Ар-Риёдда давом этаётган теннис бўйича Якуний WTA турнирининг 1/2 финал иштирокчисига айланди.

Америкалик теннис маликаси гуруҳ босқичининг сўнгги учрашувида WTA рейтингида саккизинчи ўринни эгаллаб турган италиялик Жасмин Паолинини ортиқча қийинчиликсиз мағлубиятга учратди - 6/2, 6/3. Жессика теннисчиларнинг ўзаро учрашувларида катта фарқ билан устунлик қилмоқда - 5:1.

Олтмиш тўрт дақиқа давом этган баҳсда Пегула 2 та эйс, 4 та брейк қайд этиб, 1 та қўшхатога йўл қўйди. Икки ғалаба Пегулани 1/2 финалга олиб чиқди, Паолини эса уччала учрашувда ҳам мағлубиятга учратди.