WTA Finals. Коко Гофф илк ғалабасига эришди

Дунёнинг учинчи ракеткаси Коко Гофф Штеффи Граф номидаги гуруҳнинг иккинчи учрашувида WTA рейтингида саккизинчи поғонада бораётган италиялик Жасмин Паолинини ортиқча қийинчиликсиз мағлубиятга учратди - 6/3, 6/2. Бу ғалаба эвазига у теннисчиларнинг ўзаро учрашувлари ҳисобида олдинга чиқиб олди - 4:3. 

Саксон дақиқа давом этган баҳсда иккала теннис маликаси эйс зарбасини амалга ошира олмади. Брейклар бўйича Гофф устунликка эришди - 4 га 1. Коко бир ғалаба ва мағлубият билан гуруҳда учинчи ўринни эгаллаб турибди. Иккинчи учрашувида ҳам ютқазган Паолини плей-оффга чиқиш имкониятидан маҳрум бўлди.