Нодирбек Абдусатторов Фишер шахмат бўйича ЖЧда 4-ўринни эгаллади

Ҳамюртимиз Нодирбек Абдусатторов 3-ўрин учун баҳсда жаҳон рейтингида 1-ўринни эгаллаб турган норвегиялик Магнус Карлсенга қарши дона сурди ва 1:3 ҳисобида имкониятни бой бериб қўйди. 8 нафар шахматчи қатнашган мусобақани Нодирбек Абдусатторов 4-ўринда якунлади. 

Ушбу натижа орқали Нодирбек 40 минг АҚШ доллари ишлаб олди. 

Фишер шахмати бўйича жаҳон чемпионати. 

Исландия. 3-ўрин учун баҳс. 

Нодирбек Абдусатторов (Ўзбекистон) - Магнус Карлсен (Норвегия) 1:3

Ушбу саҳифа орқали мусобақанинг сўнгги кунидаги натижалардан хабардор бўлиб туришингиз мумкин бўлди. Энг қуйида эса баҳсдан видеони томоша қилинг.

ЯНГИЛАШ

- Нодирбек 4-партияда ҳам имкониятни бой бериб қўйди. Ушбу мағлубиятдан сўнг ҳисоб 1:3 кўринишига келди. 

- Финал баҳсида шахматчилар дурангга рози бўлишди. Ҳисоб - 2:2. Энди барчаси армагеддон партияда ҳал бўлади. 

- Финалнинг учинчи партиясида Непомняший ғалаба қозонди. Демак Накамура - Непомняший қарама-қаршилигида ҳисоб 1,5 : 1,5 кўринишига келди. 

- Тўринчи партияда Нодирбек ғалаба қозона олса, вазият тенглашади ва қўшимча партия ўйналади. 

- Афсуски Абдусатторов 3-партияда имкониятни бой бериб қўйди - 1:2...

- Нодирбек ва Магнус ўртасидаги 3-партия бошланди. 

- Финалнинг иккинчи партиясида дуранг қайд этилди. Накамура 1,5 : 0,5 ҳисобида Непомняшийдан устун келмоқда.

- Иккинчи партияда афсуски Магнус Карлсеннинг қўли баланд келди. Ҳисоб тенглашди - 1:1...

- Нодирбек иккинчи партияни бошлади. Шахматчимиз бу сафар қора доналарда ўйнайди. 

- Финалнинг илк партиясида Хикару Накамура Ян Непомняшийни мағлуб этди 1:0.

-Дастлабки партияда Нодирбек оқ доналарда ўйнаб ғалабага эришди. Ҳисоб - 1:0!

-Мазкур жаҳон чемпионатининг 3-ўрин учун баҳсида ҳамюртимиз Нодирбек Абдусатторов норвегиялик Магнус Карлсенга қарши дона сурмоқда.