Нодирбек Абдусатторов иштирок этган турнирда 1/2 финалчилар маълум

Мукофот жамғармаси 150 минг АҚШ долларини ташкил этувчи мазкур турнирда чорак финал учрашувлари ўтказилди. Саралаш босқичида катта фарқ билан биринчи ўринни эгаллаган россиялик гроссмейстер Ян Непомняший чорак финалда германиялик Винсент Каймердан 2.5:1.5 ҳисобида устун келди. 

Амалдаги жаҳон тожи соҳиби Магнус Карлсен эса худди шу ҳисобда вьетнамлик Ле Куанг Льемдан устун келди. Россиялик гроссмейстерлар Владислав Артемьев ва Андрей Есипенколар ҳам рақибларини мағлуб этган ҳолда ярим финал иштирокчисига айланишди. 

1/4 финал натижалари:

Ян Непомняший (Россия, 2773) - Винсент Каймер (Германия, 2664) - 2.5:1.5

Эрик Хансен (Канада, 2606) - Андрей Есипенко (Россия, 2714) - 1:3

Владислав Артемьев (Россия, 2700) - Лирен Динг (Хитой, 2799) - 2.5:1.5

Ле Куанг Льем (Вьетнам, 2709) - Магнус Карлсен (Норвегия, 2865) - 1.5:2.5

1/2 жуфтликлари: Непомнящий - Есипенко, Артемьев - Карлсен

Эслатиб ўтамиз, сайёрамизнинг энг кучли гроссмейстерлари иштирок этаётган турнирда ҳамюртимиз, рапид йўналиши бўйича амалдаги ва шу билан бирга энг ёш жаҳон чемпиони Нодирбек Абдусатторов (2651) ҳам ўз имкониятини синаб кўрганди.