Нодирбек Абдусатторов иштирок этган турнирда чемпион ўзгаришсиз қолди

Мукофот жамғармаси 150 минг АҚШ долларини ташкил этган мазкур турнирда сайёрамизнинг рейтинг юқори гроссмейстерлари ғолиблик йўлида дона суришди. Кеча ҳал қилувчи финал учрашувида мусобақанинг амадаги ғолиби, жаҳон тожи соҳиби Магнус Карлсен россиялик гроссмейстер Ян Непомняшийни мағлубиятга учратди. 

Бу икки шахматчи яқинда жаҳон тожи учун кечган баҳсда ҳам ўзаро дона суришганди. Финалнинг биринчи куни 2:2 ҳисоби қайд этилди. Иккинчи кунги ҳар икки партияда Карлсен ғалаба қозониб, чемпионлик унвонини ўзида сақлаб қолди.   

Эслатиб ўтамиз, ушбу нуфузли турнирда ҳамюртимиз, рапид йўналиши бўйича амалдаги ва шу билан бирга энг ёш жаҳон чемпиони Нодирбек Абдусатторов (2651) ҳам ўз имкониятини синаб кўрганди. У яна бир бор Карлсен билан ўйнаб, дурангга имзо чеккан эди.