Нуротада Ўзбекистон кубогига старт берилди ФОТОГАЛЕРЕЯ

Дастлаб, мусобақанинг тантанали очилиш маросими ташкил этилди. Унда сўз олган Ўзбекистон миллий белбоғли кураш федерацияси раиси Равшан Дастиров, Нурота туман ҳокими ўринбосари Шуҳрат Вафоев, Навоий вилоят жисмоний тарбия ва спорт бошқармаси раҳбарияти ва бошқалар бугун мамлакатимизда жисмоний тарбия ва спортга, хусусан, болалар спортига қаратилаётган юксак эътибор натижасида ёшларимизнинг халқаро спорт майдонларида муваффақиятларга эришаётгани ҳақида таъкидлаб, мусобақада иштирок этаётган полвонларга омад тилашди. 

Спортчиларнинг кўргазмали чиқишлари, бадиий жамоалар томонидан тайёрланган куй-қўшиқлар маросимга йиғилганлар кўнглига хушнудлик бағишлади.

Шундан сўнг, Қорақалпоғистон Республикаси, Тошкент шаҳри ҳамда барча вилоятлардан келган 300 нафардан зиёд полвонлар иштирокидаги беллашувларга старт берилди. Мусобақа 16 март кунига  қадар этади.

Жавлон МИРЖУМАЕВ, Гулистон ихтисослаштирилган олимпия захиралари мактаб-интернатининг белбоғли кураш бўйича бош мураббийи: 

- Белбоғли кураш бўйича жорий йилги илк мамлакат биринчилиги беллашувларига юқори даражада тайёргарлик кўрилган. Барча ҳудудлардан келан ёш полвонларнинг ғолиблик учун бор истеъдодини намоён этаётгани, иқтидорли спортчи-болалар кўпчиликни ташкил этаётганлиги қувонарли ҳол. Албатта, биз ҳам энг сара шогирдларимиз билан иштирок этяпмиз. Ҳозирча, натижаларимиз яхши. Бугунги беллашувлардан бир нечта совринли нактижаларни кўзлаб турибмиз. Албатта, жамоамизни мусобақага етарлича тайёргарлик кўришида Гулистон ихтисослаштирилган олимпия захиралари мактаб-интернатида яратилган қулай ва замонавий шарт-шароитлар, мактаб-интернати раҳбариятининг ушбу миллий спорт турига бўлган эътибори ва мураббийларимизнинг жон куярлигида деб биламан.    

Илҳом РАҲМОНОВ тайёрлади