Одилжон Аслоновнинг жанги 7-раунддан сўнг тўхтатилди

Ушбу жанг кечаси доирасида ҳамюртимиз Одилжон Аслонов рингга кўтарилди. 

Ушбу баҳсда Одилжонга грузиялик боксчи  Рафи Хчоян рақиблик қилди. 8 раундга мўлжалланган жангда ҳамюртимиз катта устунликка эга бўлди. Баҳс 7-раунддан сўнг тўхтатилди. Грузиялик боксчининг секундантлари айнан 7-раунд тугаганидан сўнг жангни давом эттирмасликка қарор қилишди. 

Шу тариқа, Одилжон Аслонов фаолиятидаги 8-жангида 7-ғалабасини қўлга киритди. У 1 маротаба дуранг қайд этган. 

Хчояннинг рекорди эса бугунги жангдан сўнг 2 та ғалаба, 2 та мағлубият ва 1 та дуранг кўринишига келди. 

Аввалроқ, мазкур жанг оқшомида бошқа бир ҳамюртимиз Бобоусмон Батуров ҳам жанг ўтказиб, ғалаба қозонгани ҳақида хабар қилгандик.