Оксана Чусовитина: "Бу Олимпиада мен учун сўнггисими? Аниқ айта олмайман"

"Бу Олимпиада биринчисидан ҳам ҳаяжонлироқ. Чунки, илк бора қатнашганимда ёш эдим, умуман бошқача туйғулар бўлганди.

Айни пайтда кўпчилик менинг ҳаракатларимни кузатиш учун келишмоқда. Қўллаб-қувватлашларни ҳис қилиб турибман. Кўпчилик мени қариб қолганимни, спортдан кетиш вақти келгани ҳақида гапирмоқда. Лекин, бундай сўзлар менга фақат ва фақат мотивация бағишлайди.

Бу Олимпиада сўнггисими? Билмайман. Бу борада хеч нарса дея олмайман. Балки яна қатнашишни истаб қоларман. Бу борада хеч ким менга таъқиқ қўя олмайди", - дейди Оксана Чусовитина.

Эслатиб ўтамиз, у кеча саралаш баҳсларидан муваффақиятли ўтиб, финалга йўлланмани қўлга киритди. Эндиликда, у 11 август куни чиқиш қилади. Нима бўлганда ҳам тажрибали спортчимизга омадлар тилаб қоламиз. У медал қўлга кирита олади! Олға, Оксана! Олға, Ўзбекистон!