18 сен 16:13
Янгиликлар

Теннис

Осака "Ролан Гаррос"да қатнашмайдиган бўлди

Сайёрамизнинг учинчи рақамли теннис маликаси, US Open 2020 чемпиони Наоми Осака "Ролан Гаррос" турнирида иштирок этмайди.

"Белимдаги оғриқ ҳамон безовта қиляпти. Грунт мавсумига тайёр бўла олмайман. Шу сабабдан таваккал қилмасликни лозим топдим. "Ролан Гаррос" ташкилотчилари мени тўғри тушунишади деган умиддаман", – деди Осака.

Маълумот учун, япониялик теннисчи бу жароҳатини август ойининг охирида Нью-Йоркда ўтган "Премьера" турнирида орттириб олган эди. "Катта Дубулға" туркумига кирувчи "Ролан Гаррос" турнири 27 сентябрь куни старт олади.