Ўсмир қизларимиз ОЧ саралашидаги илк ғалабасини қўлга киритди

Айни кунларда Осиёнинг тўртта давлатида U-16 ўсмир қизлар ўртасидаги Осиё чемпионати саралаш ўйинлари давом этмоқда. Вьетнам мамлакати мезбонлик қилаётган саралашнинг "D" гуруҳи 3-тури доирасида Гонконг ўсмир қизларига қарши майдонга тушган Ўзбекистон U-16 ўсмир қизлари мусобақадаги илк ғалабасини қўлга киритишди. Иккинчи бўлимда иккита гол киритган ўзбекистонлик ўсмир қизлар якунда 2:0 ҳисобида ғалаба қозонишди ва очколари сонини 4тага етказиб олишди.

Эслатиб ўтамиз, гуруҳдаги илк учрашувда Вьетнамга 1:2 ҳисобида мағлуб бўлган ўзбекистонлик ўсмирлар 2-турда Фаластин ўсмирлари билан дуранг ўйнашган эди – 1:1. Навбатдаги турда, Ўзбекистон терма жамоаси 1 сентябрь куни Ироқ терма жамоасига қарши майдонга тушишса, сўнгги турда, 3 сентябрь куни гуруҳ пешқадами Австралияга қарши ўйнайди.

U-16 ўсмир қизлар ўртасида ОЧ саралаши.

“D” гуруҳи, 3-тур.

29 август. Ханои, Вьетнам.

ЎЗБЕКИСТОН U-16 – ГОНКОНГ U-16 – 2:0.

Голлар: Тожинисо Рашидова (52), Диёра Эркинова (77).

Ўзбекистон U-16: Зарина Саидова, Озода Хожиева, Тўраева Маржона, Шахноза Юсупова, Сўғдиёна Алламуродова (Шаҳзода Фозилова, 46), Альбина Бобоқулова, Анора Фармонова, Ильвина Камалиева (Диёра Эркинова, 37), Тожинисо Рашидова (Парвина Шомирзаева, 90), Меҳриёна Тоирова, Мадина Ҳикматова.