20 авг 19:15
Янгиликлар

От Спорти

От спорти: Бекзод Қурбонов Польшадаги мусобақада 2 та медални қўлга киритди

Конкур йўналиши бўйича Ўзбекистон терма жамоаси аъзоси Бекзод Қурбонов Полшанинг Боборовко шаҳрида ташкил этилаётган CСI 2* таснифидаги халқаро мусобақада иштирок этиши ҳақида маълум қилинган эди.

Юртдошимиз мусобақанинг биринчи кунидаёқ икки бор шоҳсупага кўтарилди. Баландлиги 140 смни ташкил этган тўсиқлардан сакраш дастурида Қурбонов олтин медални қўлга киритди. Мазкур йўналишда унга “Santos Hipika” лақабли тулпори ҳамроҳлик қилди. Шунингдек, “Ledi” оти билан 130 смдаги дастурда учинчи ўринни эгаллади.