28 июл 10:53
Янгиликлар

Бокс/ММА

"Охирги рақс". Конор Макгрегор қайтишига ишора қилди

UFC`нинг икки вазн тоифасидаги собиқ чемпиони Конор Макгрегор Макс Холлоуэйга қарши жангда жароҳат олган эди.

Ирландиялик аралаш яккакураш устаси 2027 йилнинг ёзида октагонга қайтиши мумкинлигига ишора қилди.

"Авлодлар жанги бўлиши керак бўлган нарса энди бекор қилинмоқда. IFW 2027. Охирги рақс", — деб ёзди Макгрегор ижтимоий тармоқдаги саҳифасида.

Конор IFW деганида UFC`нинг ҳар йили июль ойида анъанавий тарзда ўтказиладиган "International Fight Week" (Халқаро жанг ҳафталиги) тадбирини назарда тутган. Айнан шу тадбир доирасида Макгрегор шу йил 11 июль куни Макс Холлуэйга қарши реванш жангини ўтказган эди. Жанг ирландияликнинг сакраб тепган зарбасидан сўнг ноқулай йиқилгани ва ўнг тиззасидаги олдинги хочсимон боғлам ҳамда менискини узиб олгани сабабли атиги 69-сонияда якунига етган эди.