Ўзбек ҳарбийлари "Армия ўйинлари"да қандай иштирок этишди? (ВИДЕО)

Унда ўзбекистонлик ҳарбийлар ҳам иштирок этишди. АрМИ-2017 доирасида ўтказилган 29 та танловнинг саккизтасида, яъни Россия ҳудудида кечган «Қўшин разведкаси аълочилари», «Эльбрус ҳалқаси», «Содиқ дўст», «Хавфсиз йўналиш», «Йўл патрули», Қозоғистонда ўтказилган «Мерганлик марраси», Хитойда бўлиб ўтган «Қуролсоз уста», «Мусаффо осмон» танловида Ўзбекистон ҳарбий хизматчиларидан иборат саккизта жамоа илк бор ўз маҳоратини намойиш этди. 15 тасида эса, яъни «Танк биатлони», «Ҳарбий-тиббий эстафета», «Дала ошхонаси», «Осмон калити», «Автобронетанк техникаси устаси», «Ҳарбий ралли», «Муҳандислик формуласи», «Рембат», «Ҳамдўстлик жангчиси», «Артиллерия устаси», «УУҚ (учувчисиз учиш қурилмалари) экипажлари мусобақаси», «Суворов шиддати», «Хавфсиз муҳит», «Десантчилар взводи», «Авиадартс» каби мусобақаларда ўзбекистонлик ҳарбийлар кузатувчи сифатида қатнашди.

Россиянинг Тюмень вилоятидаги дала-ўқув майдонида ўтказилган «Хавфсиз маршрут» мусобақасида подполковник Р. Байбеков етакчилигидаги ҳарбий хизматчилар жамоаси Ўзбекистон шарафини муносиб ҳимоя қилди. Мусобақада Ўзбекистон вакиллари фахрли 3-ўринни қўлга киритди.