Ўзбекистон чемпионатига Самарқанд вилояти саралаш босқичи ўтказилди

Мусобақага пойтахтимиздаги "Универсал" спорт саройи мезбонлик қилади. Уч кун давомида эркаклар ва аёллар ўртасида жами 14 та вазн тоифасида ғолиб ҳамда совриндорлар аниқланади.

Шу кунларда эса Қорақалпоғистон Республикаси, вилоятлар ҳамда Тошкент шаҳрида Ўзбекистон чемпионатига саралаш мусобақалари ўтказилмоқда. Хусусан, мураббийлар саралаш орқали Самарқанд вилояти жамоасини аниқлаб олишди. 

Самарқанд олимпия захиралари коллежида ўтган саралаш турнирида вилоятнинг барча туманларидан келган юз нафардан зиёд дзюдочилар иштирок этишди. Эркаклар -60. -66, -73, -81, -90, -100, +100, аёллар эса -48, -52, -57, -63, -70, -78 ҳамда +100 кг вазн тоифаларида татамига чиқишди. Якунда Ўзбекистон чемпионатида Самарқанд вилояти шарафини ҳимоя қилувчи 45 (30 эркак, 15 аёл) нафар дзюдочи саралаб олинди.