12 фев 14:00
Янгиликлар

Дзюдо

Ўзбекистон дзюдо федерациясида йиғилиш бўлиб ўтди + ФОТО

Ўзбекистон Миллий олимпия қўмитаси раис ўринбосари, федерация раиси Азизжон Камилов ўтказган йиғилишда бир қатор масалалар муҳокама қилинди.

Жумладан, 5-7 март кунлари пойтахтимиздаги "Ҳумо" аренада ўтказилувчи Тошкент "Катта Дубулға" турнирига олиб борилаётган тайёргарлик, меҳмонларни кутиб олиш ва жойлаштириш ҳамда ташкилий масалалар кўриб чиқилди. Бу борада масъул ходимлар амалга оширилган ишлар юзасидан ахборот беришди.

Иккинчи муҳим масала - дзюдони бутун республика бўйлаб янги босқичга олиб чиқиш, ушбу олимпия спорт тури оқсаётган Cирдарё, Жиззах каби вилоятларга эътибор қаратиш, моддий техник-базани яхшилаш, малакали мураббийлар билан таъминлаш бўлди. Бу масала танқидий руҳда кўриб чиқилди ва вазиятни қисқа фурсатда ижобий томонга ўзгартириш бўйича топшириқ берилди.