Ўзбекистон Олимпия терма жамоасини қўллаб-қувватлаш учун қанча мухлис Парижга олиб кетилиши айтилди

Анжуманда Парижга олиб кетиладиган мухлислар ҳақида ҳам гапирилди.

Адҳам Икрамов (Спорт вазири):

"Мухлислар сонини кўпайтириш бўйича топшириқ олдик. Бизга 80 та чипта берилган. Ойбек Амилович бу сонни 200 тага кўпайтириб берди. Мухлислар 3 та йўналиш бўйича олиб кетилади. Мусобақалардан бўш қолган спортчилдар ҳам мухлислар билан бирга бўлади. Бундан ташқари, Инвестиция вазирлиги ва Франция элчихонаси орқали мухлисларимиз сонини кўпайтириш ишлари олиб борилмоқда. Ўзига тўқ, бой мухлисларимиз ҳам ўзлари бориб мухлислик қилиши мумкин".

Шунингдек, ЎФА биринчи вице-президенти Равшан Эрматов мухлислар рўйхати шакллантирилгани, улар 400 нафарга яқин экани ва мухлислар орасида футбол академиялари ўқувчилари ҳам борлигини айтиб ўтди. МОҚ бош котиби Ойбек Касимов эса Парижга олиб кетиладиган мухлисларнинг барча харажатлари ҳукумат томонидан қоплаб берилишини таъкидлади.