25 сен 13:33
Янгиликлар
Дзюдо
Ўзбекистон Паралимпия ассоциацияси раиси IBSA спорт директорини қабул қилди
Хабар берганимиздек, 23-24 сентябрь кунлари пойтахтимиз Парадзюдо бўйича IBSA Гран-присига мезбонлик қилди.
Тошкентдаги мусобақага юқори мартабали меҳмонлар ҳам ташриф буюришди. Кеча, 24 сентябрь куни Ўзбекистон Паралимпия ассоциацияси раиси Муҳторхон Тошхўжаев Халқаро кўзи ожислар спорти ассоциацияси (IBSA) спорт директори Тардос Жейнос ҳамда Осиё ва Океания спорт комиссари Жеёнг Гисикни қабул қилди.
Учрашув давомида томонлар ўзаро фикр алмашишди ва келажак режаларни биргаликда муҳокама қилишди. Шуни алоҳида таъкидлаш лозимки, меҳмонлар суҳбат давомида Тошкент Гран-приси борасида илиқ таассуротда эканликларини баён қилишди. Томонлар келажакда Ўзбекистонда бу каби мусобақаларни янада кўпроқ ўтказиш бўйича келишиб олишди.
Учрашув сўнггида Муҳторхон Тошхўжаев Ўзбекистон Паралимпия ассоциацияси номидан меҳмонларга эсдалик совғаларини топширди.
Ҳавола :
Фикрлар