Ўзбекистонда нишонланган дзюдо кунидан видеолавҳаларни томоша қилинг (ВИДЕО)

Халқаро дзюдо федерациясига аъзо 5 қитъанинг 200га яқин мамлакатида, шу жумладан Ўзбекистонда ҳам бу ўзига хос дзюдо байрами сифатида тантана қилинди. Аввалига Қорақалпоғистон Республикаси ҳамда барча вилоятларда бошланган байрам тадбирлари куннинг иккинчи ярмида пойтахтга кўчди. 

Ўзбекистон дзюдо федерациясида ўтган маросимда Ўзбекистон Миллий олимпия қўмитаси президенти Рустам Шоабдураҳмонов, Жисмоний тарбия ва спорт вазирининг биринчи ўринбосари Ойбек Касимов, МОҚ вице-президенти, Ўзбекистон дзюдо федерацияси раиси Азизжон Камилов, Миллий Паралимпия ассоциацияси раҳбари Мухторхон Ташходжаев, олимпия ўйинларининг уч карра совриндори Ришод Собиров, терма жамоамиз етакчилари, спорт фидойилари ҳамда оммавий ахборот воситалари ходимлари иштирок этди. 

Дарвоқе, бу йилги байрам тадбирлари “Кўчат эк!” шиори остида ўтказилди. Кўчат экиш маросимлари замирида атроф-муҳит ва табиатни асраш сингари эзгу ишлар мужассам. Спортимиз мутасаддилари ва жажжи дзюдочиларимиз Халқаро дзюдо федерацияси томонидан қабул қилинган шиорга мос тарзда кўчат экишди. Шундан сўнг байрам тадбири Федерация ҳудудида қисқа фурсатда бунёд этилган замонавий спорт залига кўчди. 

Тадбирлардан видеони томоша қилинг:

(TAS-IX)