Ўзбекистонлик боксчи Қозоғистонда бўладиган бокс кечасининг co main event'ида Елеусиновга қарши жанг қилади

Қозоғистонлик боксчи Даурен Елеусинов (10-2-1) 21 март куни Олма-Ота шаҳрида ўзбекистонлик Бахром Паязовга (22-16) қарши жанг ўтказади, дея хабар бермоқда Sports.kz нашри.

Елеусинов сўнгги жангини АҚШда Жуниор Йунанга (17-0-1) қарши ўтказиб, мағлуб бўлган эди. 37 ёшли ўзбекистонлик Баҳром Паязов эса оҳирги олтита жангида ғалабасиз серия қайд этмоқда. У сўнгги жангини 2022 йил февраль ойида Абдулазиз Абдупаттаевга қарши ўтказиб, мағлуб бўлган эди.

Эслатиб ўтамиз, 21 март куни бўлиб ўтадиган бокс оқшомининг асосий жангида яна бир қозоғистонлик боксчи — Жанкош Тураров чемпионлик камари учун жанг қилади.