Ўзбекистонлик самбочи дзюдо бўйича Осиё чемпиони бўлди

Мусобақанинг охирги кунида оғир вазн тоифасидаги ёшлар медаллар учун кураш олиб боришди, дея хабар берди МОҚ матбуот хизмати.

Қувонарлиси, турнир якунида ҳамюртларимиз 7 та олтин, 3 та кумуш ва 6 та бронза, жами 16 та медал билан умумжамоа ҳисобида биринчи бўлишди. Эслатиб ўтамиз, ўсмирлар тоифасидаги баҳсларда ҳам дзюдочиларимиз биринчиликни қўлга киритишган эди. 

Қайд этиш лозимки, +100 кг вазн тоифасида самбо бўйича ёшлар ўртасида жаҳон чемпиони бўлган Маҳмуджон Маҳсудов дзюдо баҳсларида ҳам ўзини кўрсата олди ва қитъа чемпионига айланди. Бир неча кун олдин бошқа бир самбочи қизимиз Гулҳаё Жўраева ҳам олтин медалга сазовор бўлганди.

Сўнгги кун дастурида шоҳсупага кўтарилган юртдошларимиз:

Олтин медаль:

-100 кг: Рустам Шораҳматов

+100 кг: Маҳмуджон Маҳсудов

-70 кг: Барчиной Қодирова

-78 кг: Ширинжон Йўлдошева

+78 кг: Фотима Қурамбоева

Кумуш медаль:

-81 кг: Шаҳзодхўжа Шарипов

Бронза медаль:

-81 кг: Аҳрор Зиёдуллаев

-90 кг: Алишер Саманов

+100 кг: Абдуллоҳ Худоёров

-63 кг: Сарвиноз Ҳусанова

+78 кг: Моҳларойим Тўхтамишева