Ўзбекистонлик спортчи допинг сабабли 4 йилга дисквалификация қилинди

У 2023 йилнинг август ойида Қозоғистоннинг Олма-Ота шаҳрида ўтказилган Жаҳон чемпионатида иштирок этган эди. Рустамовдан айнан шу турнир вақтида олинган допинг синамасида тақиқланган Станозолол метаболити ҳамда дегидрохлорометил-тестостерон тақиқланган моддалари аниқланган.

Миллий антодопинг агентлигининг хабар беришича, спортчининг анализида тақиқланган модда борлиги бўйича спортчи огоҳлантирилган, лекин спортчи ва унинг вакиллари томонидан жавоб бўлмаганлиги сабабли Жаҳон армрестлинг федерацияси қарорига кўра бундай ҳаракатсизлик спортчининг бу ижобий допинг натижасини қабул қилиши деб тушунилиб, унга нисбатан 4 йил муддатга дисквалификация жазо чораси қўлланилган. 

Бу вақт давомида Аброр Рустамов белгиланган муддат давомида терма жамоа сафида ўқув-машғулот йиғинлари, ҳар қандай турдаги спорт мусобақаларида иштирок этиши тақиқланади.