09 фев 12:19
Янгиликлар

Дзюдо

Париж шаҳрида “Катта Дубулға” турнири старт олди

Бугун Франция пойтахти Париж шаҳрида дзюдо бўйича “Катта Дубулға” туркумига кирувчи нуфузли турнир бошланди.

Paris Grand Slam 2019 мусобақасида сайёрамизнинг 5та қитъасидан 98 давлатнинг жами 609 нафар дзюдочилари татамига чиқишади. Улардан 249 нафарини хотин-қиз дзюдочилар ташкил қилади.

Бугун мусобақанинг илк куни аёллар -48, -52, -57 , -63 кг вазнда татамига чиқишади. Эркаклар ўртасида эса -60, -66 ҳамда -73 кг вазн тоифаларида ғолиб ва совриндорлар номи маълум бўлади.

Маълумот учун, Ўзбекистон терма жамоаси ушбу мусобақада иштирок этмайди. Айни пайтда дзюдочиларимиз Тошкент вилоятининг Бўстонлиқ туманида Дюссельдорф шаҳрида ўтказиладиган “Катта Дубулға” турнирига ҳозирлик кўришяпти.

Мусобақа дастури:

Якшанба, 10 февраль - иккинчи кун

Аёллар: -70, -78, +78 кг;

Эркаклар: -81, -90, -100, +100 кг.