Паула Бадоса Индиан-Уэллсни забт этди

Ҳал қилувчи финал учрашувида испаниялик теннисчи Паула Бадоса беларуслик Виктория Азаренкони уч сет натижасига кўра мағлубиятга учратди - 7/6(5), 2/6, 7/6(2). Уч соату 6 дақиқа давом этган баҳсда 23 ёшли Паула 7 та, 32 ёшли Виктория эса 5 та эйс зарбани ижро этди. 

Бу теннисчиларнинг ўзаро ўтказган илк учрашуви эди. WTA рейтингида 27-ўринни эгаллаб турган Бадоса фаолиятидаги иккинчи совринга эга чиқди. BNP Paribas Open турниридаги муваффақиятли иштирок Паулага 1,209,730 доллар мукофот пули ҳамда 1000 рейтинг очкосини тақдим этди.