Перейра рақиб номини айтиш учун "покришка" усулидан фойдаланди

Ташкилотнинг асосий юлдузларидан бири бўлган бразилиялик чемпион ижтимоий тармоқдаги саҳифасига шина йиғиш устахонасида ўтиргани ва унинг ёнида "Жонс кейинги" ёзуви туширилган "покришка" тургани акс этган видеони жойлади.

Бразилиялик бу усулни биринчи марта қўллаётгани йўқ - аввалроқ у Магомед Анкалаевга қарши жангни ҳам шу тарзда эълон қилганди.

UFC раҳбари Дана Уайт яқинда берган интервьюсида агар америкалик собиқ чемпион яримоғир вазн тоифасига тушса, Алекс Перейра ва Жон Жонс ўртасидаги жанг бўлиб ўтиши мумкинлигини тан олганди.

Эслатиб ўтамиз, Алекс Перейра охирги марта ўтган йилнинг октябрь ойида октагонга кўтарилган ва ўшанда у биринчи раунддаёқ Магомед Анкалаевни нокаутга учратиб, чемпионлик камарини қайтариб олганди. Жонс эса ўтган йилнинг ёзида оғир вазн тоифасидаги чемпионлик унвонини бўшатиб, истеъфога чиққанини эълон қилганди.