Полвонларимизнинг жаҳон чемпионатидаги ғалабали юриши давом этмоқда

Дунёнинг ўттиздан зиёд давлатининг сара курашчилари иштирок этаётган жаҳон чемпионатининг илк куни белбоғли курашнинг эркин йўналишида қатнашган Ўзбекистон эркаклар ва аёллар терма жамоаси 4 та олтин, 2 та кумуш ва 2 та бронза медалини қўлга киритиб, умумжамоа ҳисобида фахрли биринчи ўринни эгаллаган эди. 

Мусобақанинг иккинчи куни ташкил этилган белбоғли курашнинг классик йўналишида катталар ўртасидаги беллашувларда вакилларимиз 1 та кумуш ва 3 та бронза медали жамғаришга муваффақ бўлишди. Ойбек Муҳаммадов (-100 кг) кумуш, Асрор Солижонов (-68 кг), Муроджон Ҳамидов (-75 кг) ва Шукрулло Маматкаримов (-82 кг) бронза медалига эга чиқди.

Мусобақа регламентига кўра, бугундан ёшлар ва ўсмирлар ўртасидаги жаҳон чемпионати беллашувларига старт берилди. Унда Бахтиёр Турғунпўлатов мураббийлигидаги ёшлар терма жамоамиз полвонларига гиламга чиқади. Жаҳон чемпионати 16 ноябрга қадар давом этади. 

Дарвоқе, белбоғли кураш бўйича ҳалқаро тоифадаги ҳакамларимиздан Мираншоҳ Рўзиев, Сергей Тхак, Неъматулла Тўйчиев ва Элмурод Абдуллаев ушбу жаҳон чемпионатида ҳакамлик вазифасида ишлашмоқда. 

Илҳом РАҲМОНОВ тайёрлади