Қамашида каратэ WKF спорт тури бўйича мусобақа ўтказилди ФОТОГАЛЕРЕЯ

Мазкур мусобақада спорт мактабининг каратэ WKF спорт тури тарбияланувчиларидан иборат 6 ёш тоифасида 9 та вазн бўйича 50 нафар яқин ёш спортчилар мухлисларсиз ўтган ички биринчиликда татамида ўз маҳоратларини синовдан ўтказишди.

- Мусобақадан кўзланган мақсад - спортчи ёшларни таътил кунларини мазмунли ўтказиш, соғлом турмуш тарзини шакллантириш ва тарғиб қилиш, спорт мактаб тарбияланувчиларининг мазкур спорт турига бўлган қизиқишларини ошириш мақсадида рағбатлантириш ҳамда уларни фаолиятини ҳар томонлама қўллаб-қувватлашдан иборат, - дейди спорт мактаби директори Шербек Соатов.

"Мамлакатимизда ўсмирлар ва ёшларнинг спорт билан мунтазам шуғулланиши учун яратилаётган шароитлар жисмонан соғлом, маънан етук фарзандларни тарбиялашда юксак самара бермоқда", - дейди спорт мактаби йўриқчи-услубчиси Абдилазиз Хурсанов.

- Биз эришаётган бундай муваффқиятлар замирида ёшлар учун яратиб берилаётган кенг шароит ва имкониятлар мужассам. Спортни ривожлантиришга қаратилаётган доимий эътибор натижасида бизнинг Қамаши туман 2-сонли болалар-ўсмирлар спорт мактабида ҳам кўплаб чемпионлар етишиб чиқмоқда, ёш иқтидорли спортчилар мамлакатимиз довруғини бутун дунёга танитмоқда.

Қизиқарли мусобақа сўнгида ғолиб ва совриндорлар 2-сонли болалар-ўсмирлар спорт мактаби маъмурияти томонидан диплом, медал ва эсдалик совғалари билан тақдирланди.

Ф.Чориев, Қамаши туман 2-БЎСМ катта йўриқчи-услубчиси