13 янв 16:34
Янгиликлар

Дзюдо

Қатар "Мастерс" турнирини битта бронза медали билан якунладик

Йилнинг дастлабки IJF турнири Ўзбекистон терма жамоаси учун якунланди.

Ҳозиргина -90 кг вазн тоифасидаги дзюдочимиз Давлат Бобонов бронза медали йўлидаги ўтиш баҳсида германиялик Эдуард Триппелга қарши татамига чиқди ва афсуски, мағлубиятга учради. Бу билан у "Мастерс"да 7-ўрин билан кифояланди ва ўз ҳисобига 468 рейтинг очкосини қўшиб қўйди.

Аввалроқ, -100 кг вазндаги юртдошимиз Муҳаммадкарим Ҳуррамов ҳам бронза медали йўлдидаги ўтиш беллашувида россиялик Карен Адамянга ютқазиб, мусобақада 7-ўрин билан кифояланган эди. Ҳуррамов ҳам 468 рейтинг очкосига эга бўлди.

Шу тариқа, Илиас Илиадис мураббийлигидаги Ўзбекистон терма жамоаси Қатар "Мастерс" турниридаги иштирокини тугатди. Кеча мусобақанинг иккинчи куни Ҳикматуллоҳ Тўраев (-73 кг) томонидан қўлга киритилган бронза медали ягоналигини сақлаб қолди.