Қизғин беллашувлар ва муносиб эътирофлар

Унда вилоят прокуратураси, жисмоний тарбия ва спорт бошқармаси масъуллари ҳамда туман ҳокимлиги ва кенг жамоатчилик  вакиллари иштирок этишди.
Ушбу вилоят миқёсидаги футбол, шахмат ва шашка мусобақаси Қамаши туманидаги 4-сонли “Меҳрибонлик уйи” ва Китоб туманидаги 5-сонли “Меҳрибонлик уйи” тарбияланувчилари ўртасида бўлиб ўтди.

Мусобақа бошланишида Қамаши туман ҳокими Шерали Санаев сўзга чиқиб, бугун юртимизда ёшлар учун яратилган улкан ва беқиёс шарт-шароитлар ўзининг хайрли натижаларини бераётганлигини алоҳида таъкидлаб ўтди.

Сўнгра мазкур спорт мусобақасининг барча иштирокчиларини яқинлашиб келаётган 14 январь – “Ватан ҳимоячилари куни” муносабати билан қизғин табриклаб, уларга ушбу мусобақада муваффақиятлар тилади.

Шундан сўнг Қамаши шаҳридаги 4-сонли “Меҳрибонлик уйи” тарбияланувчилари ва Китоб туманидан ташриф буюрган 5-сонли “Меҳрибонлик уйи тарбияланувчилари ўртасида икки ёш тоифасидаги футбол жамоалари ўртасида ўзаро футбол мусобақаси бўлиб ўтди.

Кичик ёшдаги жамоалар ўртасида кечган учрашувда қўйидаги натижа қайд этилди:
Қамаши шаҳридаги 4-сонли “Меҳрибонлик уйи” ёш спортчилари Китоб тумани 5-сонли “Меҳрибонлик уйи”дан ташриф буюрган мусобақа иштирокчиларидан 7:1 ҳисобида ғолиб бўлди.

Юқори синф тарбияланувчилари жамоалари ўртасида кечган учрашувда қўйидаги натижа қайд этилди:
Китоб туманидан ташриф буюрган 5-сонли “Меҳрибонлик уйи” тарбияланувчилари Қамаши туманидаги 4-сонли “Меҳрибонлик уйи” тарбияланувчилари жамоасидан 6:4 ҳисобида ғолибликни қўлга киритди.

Шахмат ва шашка бўйича “Меҳрибонлик уйи” тарбияланувчилари бўлган ўсмирлар ва қизлар ўртасидаги беллашувда қуйидаги натижа қайд этилди:
Қамаши шаҳридаги 4-сонли “Меҳрибонлик уйи” тарбияланувчилари ва Китоб туманидаги 5-сонли “Меҳрибонлик уйи” тарбияланувчилари - ўсмирлар ва қизлар ўртасидаги шахмат ва шашка спорт мусобақасида умумий жамоа ҳисобида Китоб туманидан келган ёш спортчилар муваффақият қозонишди.

Юқори савияда ташкил этилган вилоят миқёсидаги ушбу футбол, шахмат ва шашка мусобақаси якунида ғолиб ва совриндорлар ташкилотчилар томонидан Кубок, медаллар ва спорт анжомлари ҳамда эсдалик совғалари билан тақдирланди.

Қамаши туман Жисмоний тарбия ва спорт бўлими бош инспектори   Ф. Чориев