26 мар 11:34
Янгиликлар

Теннис

Қозоқ тенниси маликаси Miami Open 1/4 финалига чиқди

Дунёнинг тўртинчи ракеткаси Елена Рибакина Майами WTA 1000 турниридаги юришини давом эттирмоқда.

Қозоғистонлик теннисчи 1/8 финалда WTA рейтингида 18-поғонадан жой олган америкалик Мэдон Кизни 6/3, 7/5 ҳисобида мағлубиятга учратди. Теннисчиларнинг ўзаро учрашувларидаги ҳисоб мувозанати ҳам тикланди - 2:2.

Саксон тўрт дақиқалик баҳсда Рибакина 5, Киз 3 та эйс зарбасини ижро этган. Брейклар 3 га 1 кўринишида Елена фойдасига ҳал бўлди. Энди Рибакина ярим финал чиптаси учун грециялик Мария Саккарига қарши кортга чиқади.