Рафаэль Надаль энди Испания терма жамоаси сафида ўйнамаслиги мумкин

"Мамлакат учун ўйнаганимда, 2019 йилда Мадридда бўлгани каби катта иштиёқ, ўзимга тўлиқ ишонч ва илҳом керак. Бу йил турли сабабларга кўра мен бундай даражага эриша олмаяпман. Сардоримиз бу ҳақида бир неча ойдан бери билади. 

Келгуси йил қандай бўлишини билмайман. Ҳаммага маълум, мен қариб қолдим (кулади теннисчи). Ҳамма жойда бўлишни хоҳласам ҳам энди бундай қила олмайман.

Кўрамиз, мен ҳали ҳам "Дэвис кубоги"да ўйнай оламанми? Ишончим комил эмас. Албатта, бу ажойиб турнир билан кортда хайрлашмоқчиман. Кўрамиз, келажакда бу иш берармикан", - деди Надаль Туриндаги матбуот анжуманида.