Рафаэль Надаль: "Федерер, Жокович ва мен Зверев, Медведев ҳамда Циципаснинг кўтарилишига тўсқинлик қилдик"

"Турда Зверев, Медведев ва Циципас ғалаба қозона бошлаганида, Федерер, Жокович ва мен ҳали ҳам жуда юқори савияда ўйнардик. "Катта учлик" бу авлодни тор-мор қилди, чунки биз ҳам ғалаба қозонишни хоҳлардик ва буни изчиллик билан уддалай олдик. Янги авлод кўпроқ имкониятга эга. Чунки энди, Рожер фаолиятини якунлади, Новак ва мен эса турнирларда кам иштирок этяпмиз.

Алькараз, Руне, Синнер жуда зўр бўлишдан ташқари, ғалаба ва унвонларни Медведев, Зверев, Циципас ҳамда Рублёв қила олмайдиган тарзда тасаввур қила оладилар ва бу уларга профессионал даражада юксалишда катта ёрдам беради.

Мисол тариқасида, «Катта учлик» томонидан вайрон қилинган буюк теннисчи Давид Феррерни келтирмоқчиман. У теннис тарихидаги энг барқарор ўйинчилардан бири бўлган, бироқ Феррер йирик титулларни қўлга кирита олмаган", - дея Надалнинг сўзларини келтирмоқда Marca.