17 апр 10:43
Янгиликлар

Теннис

Рафаэль Надаль "Мастерс" 1/4 финалида мағлуб бўлди

Монако Қироллигининг Монте-Карло шаҳрида "Мастерс" сериясига кирувчи нуфузли турнир давом этмоқда.

Бироз кутилмаганда дунёнинг учинчи ракеткаси, испаниялик Рафаэль Надаль чорак финалда сайёрамизнинг саккизинчи рақамли теннисчиси, россиялик Андрей Рублёвга имкониятни бой бериб қўйди.

Rolex Monte-Carlo Masters турнирида муваффақиятли одимлаётган Рублёв номдор рақибини 6/2, 4/6, 6/2 ҳисобларида мағлубиятга учратди. Икки соату 33 дақиқа давом этган баҳсда Андрей 2 та , Рафа эса 1 та эйс зарбани амалга оширди. Энди Рублёв Монте-Карло "Мастерс" ярим финалида норвегиялик Каспер Руудга қарши кортга чиқади.