Рафаэль Надаль: "Мен совринларим билан ёдда қолишни хоҳламайман. Мақсадим бошқа"

"Кўплаб турнир ташкилотчилари мен билан боғланиб, улар билан ҳамкорлик қилишимни таклиф қилишди, лекин мен энди аввалгидек эмасман. Кортга чиқиш учун мен тўлиқ тайёр бўлишим керак - жисмонан ва руҳан. Чексиз энергияга эга одам йўқ. Ёшлигингизда сизда куч-қуввват кўп бўлади, лекин кейинчалик сиз ёқимсиз қарорларни қабул қилишингизга тўғри келади. Баъзан мен ўйнашни жуда хоҳлаган турнирларни ўтказиб юбордим. 

Мен қўлга киритган совринларим билан ёдда қолишни хоҳламайман...Яхшиси, улар мен ҳақимда ўғил-қизларига яхши ўрнак оладиган одам сифатида гапиришсин. Мана шу менинг мақсадим. Мен кўп йиллар ўтгач, ҳар доим кортда ва кортдан ташқарида позитив инсон бўлганимни айтиш имкони бўлишини хоҳлардим. Шунда мен бахтли бўламан", - дея Надальнинг сўзларини келтирди Tennis World.