Рафаэль Надаль қайтди, у 681 кундан сўнг ғалабага эришди

У Испаниянинг Барселона шаҳрида ўтказилаётган нуфузли ATP 500 тоифасига кирувчи турнирнинг илк даврасида рейтингнинг 62-поғонасида бораётган италиялик Флавио Коболлини ортиқча қийинчиликсиз мағлубиятга учратди - 6/2, 6/3. 

Афсона 681 кунлик танаффусдан сўнг грунт қопламали кортда ўз ғалабасини тантана қилди. Бу Надаль ва Коболли ўртасидаги илк учрашув эди. Саксон беш дақиқа давом этган баҳсда Рафаэль эйс зарбасини амалга ошира олмади. Коболлида бу кўрсаткич 3 тани ташкил қилди. Иккала теннисчи ҳам 3 тадан қўшхатога йўл қўйишди. Брейклар Рафада кўпроқ бўлди - 4 га 1! 

Энди Рафаэль Надаль ўз давлатида ўтказилаётган турнирнинг иккинчи даврасида австралиялик Алекс Де Минаурга қарши кортга чиқади.