Рафаэль Надалнинг амакиси теннисчи нега ATP Finals турнирининг плей-оффига чиқа олмаганини тушунтирди

"Рафаэль Туринга келгач, унинг яхши тайёргарлик кўрмаганини дарҳол англадим. Бу ҳолатда муваффақиятга умид қилиш жуда қийин. 

"Катта Дубулға" турнирларида бундай муаммо йўқ, чунки у ерда сиз кучсизроқ рақиблар билан ўйнаб, аста-секин турнирга киришиб кетишингиз мумкин. Биз кўпинча Дубулға турнирида иккинчи ҳафтага қараганда биринчиси Рафаэль учун қийинроқ бўлишини айтамиз. Аммо, бу ерда ҳамма нарса бошқача, чунки биринчи ўйинда сиз дунёдаги энг яхши теннисчилардан бири билан ўйнайсиз. Кейин қайта ютиш жуда қийин бўлади", - деди Тони Надаль.

Шунингдек, Тони Каспер Рууднинг ўйинидаги ўсиш ҳақида гапирди.

"Каспер бизнинг академиямизга келгани эсимда. Унинг орқа қўлида муаммолар бор эди, чунки у  машқларни нотўғри бажарар эди. Вақт ўтиши билан у буни ўзгартирди. Мен унга ҳар доим қаттиқ ҳаракат қилиш кераклигини айтганман. Қаранг, у ҳозир қандай яхши ўйинчи.

У йилдан-йилга ўсиб бормоқда. Илгари у дунёнинг иккинчи ракеткаси бўлишини орзу ҳам қила олмасди. Бу йил унинг кўплаб учрашувларини кўрдим ва айтишим мумкинки, у ажойиб теннисчига айланди. Келажакда у дунёда 1-рақамга айланиши мумкин. У ҳар қандай зарбани бемалол қайтара олади", - дея қўшимча қилди Тони.