Рапид бўйича жаҳон чемпиони ўзгарди. Нодирбек "ваколат"ни топширди

Уч кун давомида дунёнинг 178 нафар шахматчиси 13 турда ғолиблик йўлида кураш олиб борди. Якунда жаҳон тождори Магнус Карлсен 13 имкониятдан 10 очко жамғариб, рапид йўналиши бўйича жаҳон чемпионига айланди. Бундан аввалги жаҳон чемпиони Нодирбек Абдусатторов эса 8,5 очко билан Топ-10`ни якунлаб берди.

Рапид бўйича жаҳон чемпионати. Топ-10 

1. Магнус Карлсен (Норвегия) – 10

2. Винсент Каймер (Германия) – 9,5

3. Фабиано Каруана (АҚШ) – 9,5

4. Даниил Дубов (Россия) – 9

5. Аржун Эригайси (Ҳиндистон) – 9

6. Владимир Федосеев (Россия) – 9

7. Владислав Артемьев (Россия) – 9

8. Рихард Раппорт (Руминия) – 9

9. Нихал Сарин (Ҳиндистон) – 8,5

10. Нодирбек Абдусатторов (Ўзбекистон) – 8,5... 

Аёллар ўртасидаги рапид баҳсларида хитойлик Тан Жонгьи 8,5 очко билан жаҳон чемпиони бўлди. Қозоғистонлик Динара Садуакасова ҳам 8,5 очко жамғарди. Лекин қўшимча кўрсаткичларга кўра иккинчи ўринни эгаллади. Кучли учликка Шри Савита (Ҳиндистон) 8 очко билан якун ясаб берди.

Ўзбекистонлик аёл шахматчилардан энг яхши натижани Умида Омонова қайд этди - 30-ўрин. Жаҳон чемпионатида 11 нафар (8 эркак, 3 аёл) ўзбекистонлик шахматчи ўз имкониятини синаб кўрди. Сўнгги турда ёш шахматчимиз Афруза Ҳамдамова биринчи аёл гроссмейстеримиз Нафиса Мўминова ўзаро учрашувда мағлубиятга учратди. 

Шахматчиларимиз эгаллаган ўринлар (эркаклар):

10. Нодирбек Абдусатторов - 8,5 очко

39. Шамсиддин Воҳидов - 8 очко (23-ўриндаги шахматчида ҳам 8 очко)

69. Жавоҳир Синдаров - 7 очко

85. Муҳиддин Мадаминов - 7 очко

88. Нодирбек Якуббоев - 6,5 очко

98. Муҳаммадзоҳид Суяров - 6,5 очко

130. Жаҳонгир Воҳидов - 5,5 очко

165. Ҳумоюн Бегмуратов - 4 очко 

Шахматчиларимиз эгаллаган ўринлар (аёллар):

30. Умида Омонова - 6,5 очко

55. Афруза Ҳамдамова - 5,5 очко

68. Нафиса Мўминова - 4,5 очко