19 авг 07:25
Янгиликлар
Футбол
Рақибимиз Қатар Иорданияни мағлуб этди, Сориядан хет-трик
ЖЧ-2018 ҳал қилувчи 3-саралаш босқичидаги рақибимиз Қатар терма жамоаси Иорданияга қарши ўртоқлик учрашувида майдонга тушди.
Швейцариянинг Люцерн шаҳридаги Swisspor Arena стадионида ўтган учрашувда қатарлик футболчилар 3:2 ҳисобида зафар қучишди. Қатар терма жамоаси таркибида Себастян Сория Куинтана хет-трикка эришди.
Иорданиялик футболчилар томонидан киритилган голларга 29-дақиқада пеналтидан Баха Абдулраҳмон, 76-дақиқада эса захирадан майдонга тушган Ҳалил Бани Атьях муаллифлик қилишди. Себастян Сория ўз голларини 15, 54 ва 80-дақиқаларда киритишга муваффақ бўлди.
Эслатиб ўтамиз, Ўзбекистон ва Қатар терма жамоалари 6 сентябрь куни 2-тур доирасидаги учрашувда ўзаро тўқнаш келишади. Ушбу ўйин Доҳа шаҳрида бўлиб ўтади. Айни пайтда Қатар бўлажак ўйинга Швейцариянинг Цюрих шаҳрида тайёргарлик кўрмоқда.
Ҳавола :
Манба : olamsport.com
Фикрлар