11 авг 10:17
Янгиликлар

Бокс/ММА

Расман. Камил Каратэнинг навбатдаги рақиби ва жанг санаси эълон қилинди + ПОСТЕР

23 сентябрь куни Қозоғистоннинг Олма-Ота шаҳрида Octagon 50 мусобақаси ўтказилади.

Лиганинг юбилей мусобақасида асли ўзбекистонлик, тожик миллатига мансуб Қамариддин Ҳасанов (Камил Каратэ) ҳам жанг қилиши маълум бўлди. Ўша куни унга қирғизистонлик Элчибек "17 кг" Абдубалиев рақиблик қилади.

Маълумот учун, Камил Каратэ фаолияти давомида 4 та проф жанг ўтказган ва уларнинг 2 тасида ғалаба қозонган, битта жангда имкониятни бой берган. Ўзбекистонлик Одилхон Камоловга қарши ўтказган охирги жанги эса "ўтказилмаган" деб топилган.

Элчибек Абдубалиев учун эса бу фаолиятидаги иккинчи жанги бўлади. У ўзининг дебют жангида қозоғистонлик Арнур Кабдолдаевга имкониятни бой берган.