Равшан Дастиров яна бир спорт фидоийсини тақдирлади

Мамлакатимизда соғлом турмуш тарзини шакллантириш, аҳоли, айниқса ёш авлоднинг жисмоний тарбия ва спортга, хусусан, миллий спорт турларимиздан саналган белбоғли курашни ривожлантиришга қўшган муносиб ҳиссаси учун Давлат кадастрлар палатаси Чирчиқ шаҳар филиали раҳбари Дилшод Нартожиев Ўзбекистон Белбоғли кураш федерацияси раиси Равшан Дастиров томонидан алоҳида фахрий ёрлиқ ҳамда тарихда афсонавий полвон, деб таъриф берилган  Паҳловон Маҳмуд сурати акс этган  эсдалик портрети  билан тақдирланди.

• Таъкидлаш жоиз, ўғил-қизларимизни белбоғли кураш билан ошно бўлишида, мазкур спорт тури бўйича Чирчиқ шаҳрида ўтказиладиган мусобақалар, ўқув-амалий семинарлар, турли тадбирларнинг юқори савияда ташкил этилишида, ёш полвонларнинг вилоят ва республика беллашувларида муносиб иштирок этишлари учун Давлат кадастрлар палатаси Чирчиқ шаҳар филиали раҳбари Дилшод Нартаджиев  муносиб ҳиссаларини қўшиб келмоқда, - дейди
• Ўзбекистон белбоғли кураш федерацияси раиси Р. Дастиров. - Белбоғли курашни ривожлантириш йўлидаги ҳамкорлиги  учун Дилшод Акромовичга полвонлар номидан ҳам ташаккур деймиз. Бу каби ҳамкорларимиз кўп бўлиши, миллий спорт туримизнинг янаям кенг қулоч ёйишига хизмат қилади, деб ўйлайман.

Илҳом РАҲМОНОВ тайёрлади