07 фев 08:53
Янгиликлар

Спорт курашлари

Равшан Эрматов юнон-рим курашчиларимиз билан учрашди

Хабар берганимиздек, шу кунларда юнон-рим кураши бўйича Ўзбекистон катталар терма жамоаси пойтахт вилоятининг Дукент машғулот базасида жам бўлган.

Эътиборлиси, куни кеча Ўзбекистон футбол ассоциацияси вице-президенти Равшан Эрматов спорт курашчиларимиз билан учрашди. Самимий руҳда ўтган учрашув якунида Осиёнинг беш карра энг яхши рефериси Осиё чемпионатига тайёргарлик кўраётган юнон-рим курашчиларимизга мусобақада омад ва ғалаба ёр бўлишини, Олимпиадага эса тўлиқ таркибда йўл олишларини тилади.

Маълумот учун, Дукентдаги йиғин юнон-рим курашчиларимиз учун 18-23 февраль кунлари Ҳиндистоннинг Нью-Дели шаҳрида спорт курашлари бўйича катталар ўртасида ўтказиладиган Осиё чемпионатига тайёргарлик вазифасини ўтаб беради.