"Реал" Леау учун "Милан"га 200 млн евро тўламоқчи эмас

"Реал" "Милан" ҳужумчиси Рафаэл Леауга қизиқишда давом этмоқда ва уни узоқ муддат давомида Карим Бенземанинг ўрнини босувчи сифатида кўрмоқда. Бироқ Мадрид клуби 23 ёшли португалияликнинг трансфер нархини жуда қиммат деб ҳисоблаяпти, деб хабар берди Sport.es.

Манбага кўра, ҳозир "Милан" Леауни 150 миллион еврога сотишга тайёр. Аммо португалияликнинг "қизил-қоралар" билан янги шартномаси бўйича товон пули 200 миллион еврони ташкил қилиши мумкин. Мадриднинг "Реал" клуби бундай пулни тўлашга тайёр эмас. Сабаби Рафаэлнинг "Милан" билан келишувни узайтирмаслигига ва 2024 йилда Италия жамоасини эркин агент сифатида тарк этишига умид қилмоқда. Бу ҳолатда Мадриднинг "Реал" клуби португалиялик ҳужумчини текинга қўлга киритишга  ҳаракат қилади.