22 окт 07:27
Янгиликлар

Дзюдо

Рестартдаги турнирда 69 давлат дзюдочилари татамига чиқади

Эртадан кейин Венгрия пойтахти Будапешт шаҳрида узоқ давом этган карантиндан кейинги илк турнир старт олади.

23-25 октябрь кунлари ўтказиладиган Будапешт "Катта Дубулға" мусобақасида дунёнинг 4 қитъаси 69 давлатидан жами 459 (287 эркак, 172 аёл) нафар дзюдочи татамига чиқади.

Табиийки, энг кўп иштирокчи Венгриядан - 37 нафар. Мезбонлар ҳар бир вазнда максимал - 4 нафардан дзюдочи билан қатнашиш ҳуқуқидан фойдаланишди. Россия (28), Мўғулистон (26), Франция ва Польша (24 нафардан) мамлакатлари ҳам катта делегация билан Венгрияга ташриф буюришади.

Хабар берганимиздек, Ўзбекистон терма жамоаси Будапешт "Катта Дубулға" турнирида 10 дзюдочи билан иштирок этади. Бундан бир неча дақиқа аввал делегациямиз Истанбул орқали Будапештга етиб борди.