Рибакина 1/2 финалда амалдаги чемпионни таслим этди

Ярим финалнинг марказий учрашуви дунёнинг биринчи ва тўртинчи ракеткалари ўртасида бўлиб ўтди. Қозоғистонлик Елена Рибакина финал чиптаси учун кечган баҳсда сайёрамизнинг биринчи рақамли теннис маликаси, польшалик Ига Свёнтекни мағлуб этишни уддалади - 6/3, 4/6, 6/3.

Теннисчиларнинг ўзаро учрашувларида Елена етакчилик қиляпти - 4:2. Икки соату 51 дақиқа давом этган баҳсда Рибакина 10 та эйсни амалга оширди. Свёнтек эса биронта ҳам эйс зарба йўллай олмади. Қўшхатолар Игада кўпроқ бўлди 7 га 5. Брейклар бўйича устунлик қозоғистонлик теннисчида - 4 га 2.