21 сен 07:14
Янгиликлар

Теннис

Рим "Мастерс" турнири жуфтлигида чемпионлар аниқланди

Италиянинг Рим шаҳрида ўтказилаётган теннис бўйича "Мастерс" турнирининг жуфтлик баҳсларида ғолиблар маълум бўлди.

Ҳал қилувчи финал учрашувида испаниялик Марсель Гранольерс ҳамда аргентиналик Орасио Себальос жуфтлиги франциялик теннисчилар - Жереми Шарди ва Фабрис Мартинни тандемини 6/4, 5/7, тай-брекда 10:8 ҳисобида мағлуб этишди.

Бир соату 43 дақиқа давом этган баҳсда Марсель ва Орасио 3, Жереми ҳамда Фабрис эса 5 та эйс зарбани амалга оширишди. Internazionali BNL d'Italia турниридаги муваффақиятли иштирок Гранольерс ва Себальосга 58,860 евро мукофот пули ҳамда 1000 рейтинг очкосини тақдим этди.